पेटली ह्रदयात होळी आजही
घेरुनी आली उदासी आजही
कोणत्या जन्मातला संबंध हा
बांधला जातो तुझ्याशी आजही
मी कितीसा वागलो तेंव्हा खरे
चाचणी घेतो मनाची आजही
जन्मलो होतो इथे केंव्हातरी
चालली आहे भ्रमंती आजही
आजही बघतात स्वप्ने तारका
रंगते हातात मेंदी आजही.....
कवी - अनंत ढवळे
4 comments:
सुंदर कविता
छानच आहे गज़ल तुमची .
धन्यवाद, मोरपीस...
धन्यवाद आशाताई, पण ही गझल माझी नसून श्री. अनंत ढवळे यांनी लिहीलेली आहे. आपल्याप्रमाणेच मलाही ही गझल फ़ार आवडल्याने, मी ती माझ्या कवितासंग्रहात संग्राहित केली होती आणि आज ती इथे ह्या ब्लॉगवर संग्राहित केली आहे.
आपल्या नियमीत भेटी मला नेहमीच माझा संग्रह इतरांबरोबर share करायची उर्मी देत रहातात. त्याबद्दल पुन्हा एकदा धन्यवाद.
Khoop sundar
Post a Comment