कविता शोध

माझ्या या ब्लॉगला भरभरून प्रतिसाद दिल्याबद्दल धन्यवाद. मधला काही काळ मी ब्लॉग्जना पुरेसा वेळ देऊ शकत नव्हतो. पण आता मी पुन्हा तसे न होवू देण्याचा पूर्ण प्रयत्न करणार आहे. जशा जशा कविता वाचनात येतील, काळजाला भिडतील तशा त्या इथेही उमटतील.

आता आजवर टाळलेली अजून एक गोष्ट मी करतोय, स्वत:ला व्यक्त करण्याचा प्रयत्न, माझी मते, माझे लिखाण जे काही आहे जसे आहे तसे तूमच्या समोर मांडण्याचा प्रयत्न करतोय. बघा आवडतंय का ते. :)
मीऽच तो...
http://meechto.blogspot.com/


Wednesday, March 19, 2008

आजही

पेटली ह्रदयात होळी आजही
घेरुनी आली उदासी आजही

कोणत्या जन्मातला संबंध हा
बांधला जातो तुझ्याशी आजही

मी कितीसा वागलो तेंव्हा खरे
चाचणी घेतो मनाची आजही

जन्मलो होतो इथे केंव्हातरी
चालली आहे भ्रमंती आजही

आजही बघतात स्वप्ने तारका
रंगते हातात मेंदी आजही.....

कवी - अनंत ढवळे

3 comments:

मोरपीस said...

सुंदर कविता

आशा जोगळेकर said...

छानच आहे गज़ल तुमची .

अमित said...

धन्यवाद, मोरपीस...

धन्यवाद आशाताई, पण ही गझल माझी नसून श्री. अनंत ढवळे यांनी लिहीलेली आहे. आपल्याप्रमाणेच मलाही ही गझल फ़ार आवडल्याने, मी ती माझ्या कवितासंग्रहात संग्राहित केली होती आणि आज ती इथे ह्या ब्लॉगवर संग्राहित केली आहे.

आपल्या नियमीत भेटी मला नेहमीच माझा संग्रह इतरांबरोबर share करायची उर्मी देत रहातात. त्याबद्दल पुन्हा एकदा धन्यवाद.