कविता शोध

माझ्या या ब्लॉगला भरभरून प्रतिसाद दिल्याबद्दल धन्यवाद. मधला काही काळ मी ब्लॉग्जना पुरेसा वेळ देऊ शकत नव्हतो. पण आता मी पुन्हा तसे न होवू देण्याचा पूर्ण प्रयत्न करणार आहे. जशा जशा कविता वाचनात येतील, काळजाला भिडतील तशा त्या इथेही उमटतील.

आता आजवर टाळलेली अजून एक गोष्ट मी करतोय, स्वत:ला व्यक्त करण्याचा प्रयत्न, माझी मते, माझे लिखाण जे काही आहे जसे आहे तसे तूमच्या समोर मांडण्याचा प्रयत्न करतोय. बघा आवडतंय का ते. :)
मीऽच तो...
http://meechto.blogspot.com/


Friday, May 29, 2009

अजुनी रुसून आहे...

अजुनी रुसून आहे, खुलता कळी खुले ना
मिटले तसेच ओठ, की पाकळी हले ना ।

समजूत मी करावी, म्हणुनीच तू रुसावे
मी हास सांगताच, रडताहि तू हसावे,
ते आज का नसावे, समजावणी पटे ना
धरीला असा अबोला, की बोल बोलवेना ।

का भावली मिठाची, अश्रूंत होत आहे,
विरणार सागरी ह्या जाणून दूर राहे ?
चाले अटीतटीने, सुटता अढी सुटेना,
मिटवील अंतराला, ऐसी मिठी जुटे ना ।

की गूढ काही डाव, वरचा न हा तरंग,
घेण्यास खोल ठाव, बघण्यास अंतरंग ?
रुसवा असा कसा हा, ज्या आपले कळेना ?
अजुनी रुसून आहे, खुलता कळी खुले ना ।


कवी – अनिल [आ. रा. देशपांडे]

6 comments:

Ajit said...

Sweet as the song is, a friend tells me the story of it is even sweeter. Kavi Anil penned this poem when his wife, Kusumavati Deshpande, herself a renowned writer/poet, passed away. It was his statement denying she was gone -- only temporarily away!

Ulhas Deshpande said...

No . This poem was written in August 1947 when Kusumavati was very much by his side
Ulhas Deshpande

Ulhas Deshpande said...

No. This poem was written in August 1947, when Kusumavati was very much alive and by his side
Ulhas Deshpande

Unknown said...

मस्तच आहे कविता आणि कुमार गंधर्वांनी तर चार चांद लावले आहेत ती स्वतः गाऊन... http://www.youtube.com/watch?v=RU5j8CksHZU

Sanjay Sangle said...

सुंदर कविता

Sanjay Sangle said...

सुंदर कविता